Gwasanaethau Cyfieithu ym maes Twristiaeth

Mae angen arbenigedd ieithyddol neilltuol ar gyfer cyfieithu llenyddiaeth sy'n seiliedig ar deithio a thwristiaeth, gan gynnwys defnyddio geirfa a therminoleg benodol, a gwybodaeth fanwl am y busnes teithio.

Dim ond cyfieithwyr sy'n cyfieithu i'w mamiaith ac sydd â llawer o flynyddoedd o arbenigedd mewn cyfieithu ar gyfer teithio a thwristiaeth a ddefnyddiwn ni. Oherwydd mai tîm bach o gyfieithwyr profiadol yn unig a ddefnyddiwn, gallwn fonitro pob cyfieithiad yn fanwl i sicrhau'r ansawdd uchaf bob tro.

Rydym hefyd yn gwerthfawrogi bod ein cleientiaid angen mwy na dim ond cyfieithiad. Dyna pam ein bod yn ymfalchïo yn ein gallu i addasu'r testun neu ddogfen wrth gyfieithu i anghenion eich cynulleidfa darged, gan roi ystyriaeth i wahaniaethau diwylliannol ac ieithyddol - i ni, mae cyfieithiad yn waith creadigol ac mae ein sgiliau ysgrifennu yn sicrhau bod pob testun yn newydd ac yn wreiddiol.

Arbenigedd penodol:

• Arweinlyfrau a chanllawiau i ymwelwyr
• Gwefannau teithio a thwristiaeth
• Llyfrynnau a thaflenni
• Canllawiau amgueddfeydd ac arddangosfeydd
• Erthyglau papur newydd/cylchgronau
• Deunyddiau hysbysebu a marchnata
• Cylchlythyrau
• Contractau a gohebiaeth
• Cronfeydd data ar-lein

Meddalwedd:

Rydym yn gweithio gyda'r prif becynnau meddalwedd gan sicrhau y dychwelir ein cyfieithiadau atoch yn yr un fformat a gosodiad â'r ddogfen wreiddiol.

Rydym hefyd yn gyfarwydd â'r prif raglenni prosesu awtomatig a rhwydweithiau'r Fewnrwyd, sy'n ein galluogi i lawrlwytho/llwytho'r holl destunau wedi eu cyfieithu a ffeiliau yn uniongyrchol o neu i'ch rhwydwaith neu wefan.

Cyfraddau cyfieithu:

Dyfynnir ein prisiau yn ôl pob mil o eiriau, gyda chyfraddau gwahanol yn cael eu codi yn dibynnu ar y cyfuniadau o ieithoedd. Ar gyfer dogfennau gyda llai na mil o eiriau, codir cyfradd pro rata neu isafswm yn dibynnu ar hyd y testun.

Mae Telelingua wedi ei gofrestru ar gyfer TAW, felly ychwanegir TAW at yr anfoneb derfynol pan fo hynny'n briodol.